Det er blitt laga nye gravplassvedtekter for gravplassane i Vindafjord kommune.
Desse skal ut på høyring før dei kan vedtakast i Fellesrådet.
Vindafjord kyrkjelege fellesråd er lokal gravplassmyndigheit i kommunen. Dei har ansvar for gravplassane og gir service og hjelp til alle innbyggjarane i kommunen på dette området. Dei skal og fastsette vedtekter for gravplassane i kommunen.
Nå er det blitt laga nye forskrifter om gravplassvedtekter for Vindafjord kommune. Dei gamle var frå 2005. Dei nye vedtektene er utforma etter anbefalt mal frå Statsforvaltaren i Vestfold og Telemark, Det er denne instansen som er nasjonal myndigheit for gravplassområdet.
Det er komme inn eit par endringar frå dei gamle forskriftene:
§ 4: Fredingstida for felt A på Skjold gravplass ved kyrkja er auka til 30 år. Dei som dette gjeld har fått beskjed.
§5: Vikedal nye gravplass, gravfelt C, er stengt for kistegravlegging. Festegrav som ikkje er teke i bruk for kistegravlegging tidlegare, kan likevel nyttast til reservert gravlegging. Dei som dette gjeld har fått eige brev.
I dei nye vedtektene er det og teke med vedtekter for Namna Minnelund , §11, slik at dei er klare når me får etablert dette.
Heile dokumentet kan du lese her.
I følgje saksgongen skal forskriftene ut på høyring før dei kan vedtakast i Fellesrådet.
Høyringsfrista er på 6 veker.
Innspel kan sendast på e-post til kyrkjekontoret: post.vindafjord@kyrkja.no